22 маусым күні «Аксу» балалар эко-техноорталығының «Экоәлем» жазғы бейіндік лагерінің балалары үшін «Болашағымыз – ұрпақтар қолында» атты экологиялық байқау өткізілді.
Іс-шараның мақсаты – балалардың экологиялық мәдениетін шығармашылық арқылы қалыптастыру, қиялын дамыту және қоршаған ортаға ұқыпты қарауға тәрбиелеу. Сондай-ақ қалдықтарды қайта пайдаланудың мүмкіндіктерін көрсету.
Іс-шара барысында балалар өздерінің шығармашылығы мен табиғатқа деген жанашырлығын танытып, ескі киімдерді, газеттерді, полиэтилен пакеттерді және қажетсіз заттарды сәнді әрі ерекше киім үлгілеріне айналдырды.
Бұл шара баршаға жауапты тұтыну мен қоршаған ортаға қамқорлықпен қараудың маңыздылығын тағы бір мәрте еске салды. Әрбір қатысушы өзін дизайнер ретінде сезініп, заттарды қайта пайдалану арқылы табиғатты сақтауға өз үлесін қосты.
Қатысушыларымыз қоқыстың шығармашылыққа арналған материалға, ал қажетсіз заттардың сәнді образдар жасауға негіз бола алатынын дәлелдеді. Біз адам қиялының қарапайым қалдықтарды нағыз өнер туындыларына айналдыра алатынын көрдік.
Ескі газеттерден жасалған ғажайып костюмдер, көйлектер және басқалар тастап жіберер заттардан құрастырылған тұтас образдар көпшілікті таңғалдырды. Әрбір киім үлгісі – жай ғана киім емес, бұл – батыл көзқарас пен болашаққа бағытталған үндеу.
Эко-сән біздің өмір салтымызға айналсын!
"Ақсу" балалар эко-техно орталығы
Ақсу қаласы