3 шілде күні «Экоәлем» жазғы бейіндік лагерінің тәрбиеленушілері үшін «Жазды іздеу» атты экологиялық квест өткізілді.
Мақсаты: балалардың табиғатқа ұқыпты және жанашыр көзқарасын ойын арқылы қалыптастыру.
Іс-шара барысында балалар тақырыптық бекеттер бойынша қызықты саяхатқа шығып, түрлі тапсырмаларды орындады: табиғат туралы жұмбақтарды шешті, өсімдіктер мен жануарларды анықтады, орманда өзін-өзі ұстау ережелерін еске түсірді, қимылды ойындарға, шығармашылық және зерттеушілік тапсырмаларға қатысты. Әрбір орындалған тапсырма қатысушыларды басты мақсатқа – «Жазды» тауып, табиғаттың көркін қалпына келтіруге жақындатты.
Балалар тапсырмаларды орындауға үлкен қызығушылық танытып, талқылауларға белсенді қатысты, өсімдіктер мен жануарлар әлемі туралы білімдерін, сондай-ақ қоқысты дұрыс сұрыптау жолдарын көрсетті. Қатысушылардың басым бөлігі ұсынылған сынақтарды сәтті орындап, тапқырлықтарын, зейінділіктерін, байқампаздықтарын және топпен жұмыс істей білу қабілеттерін танытты.
Ойын барысында балалар табиғатта қауіпсіз әрі ұқыпты мінез-құлық ережелерін бекітіп, өсімдіктерге, жануарларға және қоршаған ортаға қамқорлық жасаудың маңыздылығын түсінді. Ойын түрінде ұйымдастырылған іс-шара тәрбиеленушілердің эмоционалдық қызығушылығын арттырып, коммуникативтік дағдыларын дамытуға және табиғатты танып-білуге деген оң ынтасын қалыптастыруға ықпал етті.
"Ақсу" балалар эко-техно орталығы
Ақсу қаласы