17 шілде – «Экоәлем» жазғы профильдік лагерінің 5-маусымының жабылу күні!
Қорытындылай келе, тәрбие жұмысы жоспарға сәйкес жүргізілді. Өткізілген іс-шаралар әртүрлі қызмет түрлерін қамтыды: серуендер, жарыстар, әңгімелер, шеберлік сабақтары, викториналар, спорттық шаралар, эстафеталар, дискотекалар, караоке. Күн сайын таңғы флешмоб ұйымдастырылды. Балаларға күн сайын кинотеатрда фильмдер мен мультфильмдер көрсетілді.
Тәрбиешілер ұжымы мазмұны мен түрі жағынан әртүрлі іс-әрекеттерді ұйымдастыра отырып, балалардың бойындағы жағымды қасиеттердің ашылып, дамуына барлық жағдай жасады. Лагерь балаларға түрлі қызмет түрлерін меңгеруге, нақты білім мен дағдылар алуға, көшбасшылық қасиеттерді қалыптастыруға көмектесті.
Балалар лагерьге тез бейімделіп, барлық маусым бойы жақсы көңіл күйде жүрді. Әр бала лагерьде жаңа достар тауып, әртүрлі бағыттағы және қызығушылықтарға сай іс-шараларға, шеберлік сабақтары мен квесттерге қатысу арқылы көп нәрсені үйренді.
Жаз – бұл күншуақ, демалыс, шаттық пен қуаныш мезгілі! Балалар жағымды эмоциялар мен әсерге қанықты! Әр балаға жаңа оқу жылына дейін бақытты, мазмұнды демалыс тілейміз!
"Ақсу" балалар эко-техно орталығы
Ақсу қаласы