2026 жылғы 26 наурызда Ақсу қаласындағы Балалар эко-техноорталығының акт залында «Екі жұлдыз» атты байқау өтті. Байқаудың мақсаты – балалардың өз қабілеттерін барынша ашуға саналы көзқарас қалыптастыру.
Іс-шара барысында тек тәрбиеленушілер ғана емес, сонымен қатар ата-аналар мен бірлестік жетекшілері де белсенді қатысты. Олар қатысушылармен үлкен дайындық жұмыстарын жүргізді. Байқау үш кезеңнен тұрды:
Бірінші кезең – «Таныстыру» сайысы. Қатысушылар өздері туралы, қызығушылықтары мен бос уақыттарында немен айналысатыны, сүйікті хоббилері жайлы айтып берді.
Екінші кезең – «Таланттар шеруі». Қатысушыларға үй тапсырмасы ретінде шығармашылық нөмір дайындау берілді. Олар көркемөнерпаздық өнер арқылы өз таланттарын көрермендерге паш етті.
Үшінші кезең – «Эко-сән». Бұл кезеңде балалар ата-аналарымен бірге қалдық материалдардан жасалған киім үлгілерін көрсетті.
Байқау балаларға өздерінің шығармашылық қабілеттерін ашуға және көрсетуге мүмкіндік берді. Жалпы байқауға 6 бірлестік қатысты.
Байқау қорытындысы бойынша:
1-орын – «Радуга талантов» бірлестігінің тәрбиеленушісі Дмитрий Алексеев (жетекшісі Бережнова И.П.);
2-орын – Нурай Шарапат, «Eco-Forest» бірлестігі (жетекшісі Ержан А.К.);
3-орын – Аиша Машанло, «Гринландия» бірлестігі (жетекшісі Билялова А.К.).
Барлық қатысушылар дипломдармен және сыйлықтармен марапатталды. Сонымен қатар Ақсу қаласының Жастар бастамаларын дамыту орталығына қолдау көрсетіп, демеушілік жасағаны үшін алғысымызды білдіреміз.
"Ақсу" балалар эко-техно орталығы
Ақсу қаласы