26 маусым күні «Экоәлем» жазғы бейіндік лагерінде балалардың денсаулығын нығайтуға, дене белсенділігін дамытуға және командалық рухты қалыптастыруға бағытталған жарқын спорттық-сауықтыру іс-шарасы өтті.
Іс-шара барысында балалар түрлі спорттық эстафеталарға, қимылды ойындарға және ептілік, жылдамдық пен төзімділікті сынайтын жарыстарға қатысты. Балалар тапсырмаларды үлкен ынтамен орындап, бір-біріне қолдау көрсетіп, командада жұмыс істей білетіндіктерін танытты. Жарыс атмосферасы көтеріңкі көңіл-күйге, достыққа және жоғары нәтижеге ұмтылысқа толы болды.
Балалар іс-шараға белсенді қатысып, бастамашылдық пен жоғары қызығушылық танытты. Дене жаттығулары олардың денсаулығын нығайтуға, қимыл-қозғалыс үйлесімділігін дамытуға және жалпы белсенділігін арттыруға ықпал етті.
"Ақсу" балалар эко-техно орталығы
Ақсу қаласы