«Экоәлем» жазғы лагерінің үшінші маусымының қорытындысын шығара отырып, тәрбие жұмысы жоспарға сәйкес жүргізілгенін атап өтуге болады.
Өткізілген іс-шаралар серуендер, жарыстар, әңгімелер, шеберлік сабақтары, викториналар, спорттық ойындар, эстафеталар, дискотекалар және караоке сияқты әртүрлі қызмет түрлерін қамтыды. Күн сайын таңертең балалардың көңіл күйін көтеру мақсатында флешмоб ұйымдастырылды. Сондай-ақ күн сайын балаларға кинотеатрда көркем фильмдер мен мультфильмдер көрсетілді.
Педагогикалық ұжым мазмұны мен өткізілу формасы жағынан алуан түрлі іс-шараларды ұйымдастыра отырып, балалардың бойындағы жақсы қасиеттердің ашылуына, белсенділігінің артуына және жан-жақты дамуына барлық жағдай жасады. Лагерь балалардың түрлі іс-әрекет түрлерін меңгеруіне, нақты білім мен дағдыларды игеруіне, көшбасшылық қасиеттерін қалыптастыруына мүмкіндік берді.
Балалардың лагерь жағдайына тез әрі жеңіл бейімделгенін, олардың көңіл күйі бүкіл ауысым бойы көтеріңкі болғанын сеніммен айтуға болады.
«Экоәлем» лагерінде күн сайын балалардың шығармашылық қабілеттерін ашуға, өз мүмкіндіктерін көрсетуге, бір-бірімен достық қарым-қатынас орнатуға, ортақ қуанышқа бөленуге және көтеріңкі көңіл күй қалыптастыруға ықпал еткен қызықты да мазмұнды іс-шаралар ұйымдастырылды.
"Ақсу" балалар эко-техно орталығы
Ақсу қаласы