30 маусым күні «Экоәлем» жазғы бейіндік лагерінің балаларына арналған «Қоқыс жәшігіндегі жаңалықтар» атты шығармашылық шеберхана өткізілді.
Мақсаты – пайдаланылған заттарды қайта өңдеу арқылы балалардың практикалық дағдыларын қалыптастыру, шығармашылық қабілеттері мен экологиялық ойлауын дамыту.
Шеберлік сабағы барысында балалар пайдаланылған компакт-дискілер мен фетрден ерекше құстардың қолөнер бұйымдарын жасады. Қатысушылар шығармашылық ойлау қабілеттерін, ұқыптылықтарын және қиялдарын көрсете отырып, материалдарды қайта пайдаланудың маңызымен танысты.
Осындай іс-шаралар балалардың шығармашылық қабілеттерін, ұсақ моторикасын, эстетикалық талғамын дамытып, экологиялық мәдениетін қалыптастыруға ықпал етеді. Балалар шығармашылық жұмысқа үлкен қызығушылықпен қатысып, әрқайсысы әдемі, жарқын әрі қайталанбас туынды жасап шықты.
Шеберлік сабағы жылы әрі достық атмосферада өтіп, қатысушыларға шығармашылықтан қуаныш, жаңа әсерлер мен көтеріңкі көңіл күй сыйлады.